KALIBO, Aklan—Hugut nga pagabantayan it Kalibo consumers association ro mga presyo it mga nagapangunang baeak-eon sa merkado publiko ag iba pang baealigyaan sa banwa it Kalibo.
Suno kay Ramil buncalan, chairman of the board it Philippine Chamber of Commerce and Industry ukon PCCI-Aklan ag presidente it Kalibo consumers association nga ginkilaea sanda it Department of Trade and Industry ukon DTI-Aklan nga magiging kabulig sa pag-monitor sa presyo it mga baeak-eon agud nga malikawan ro overpricing ukon pagpamentaha it mga negosyante sa tunga it ginapangatubang nga kalisod sa pagpangabuhi tuga it padayun nga pagtaas it mga basic commodities.
Nataeupangdan man sigon nanda ro kawad-an it price tag sa mga baligya.
Sambilog pa suno kana sa andang ginaproponer sa makaron hay ro pag-obliga sa mga negosyante sa Kalibo public market nga maggamit it digital nga kilohan kaysa sa manual nga kaeabanan nga depektibo rason nga eapnaag ro daeayaan.
Nakadepende suno kana sa lokal nga gobyerno ro pagdesisyon sa andang ginaduso nga proposisyon.
Kabay suno kana nga suportahan ro andang mga ginaduso nga tikang.
Ginpaathag ni Buncalan nga ro consumers association hay gintukod sandig sa Republic Act 7394 ukon mas kilaea sa tawag nga “The Consumers Act of the Philippines” nga nagaprotekta sa kamaeayran it mga konsumidor.
