Napabalita nga nakapuslit ag nakahalin eon it Pilipinas ro iba pang top executives it Philippine Offshore Gaming Operators (POGOs) suno sa Presidential Anti-Organized Crime Commission (PAOCC).
Ginhambae ni PAOCC USec. Gilbert Cruz nga andang ginmonitor ro managers ag POGO executives nga uwa it rekord nga naghalin sa mga airpot it PH apang nabalitaan eonlang nga nakaguwa eon it nasyon. Sugid pa it opisyal nga indi nanda ma-account ro pilang pribadong paeoparan nga ginpatindog it mga indibidwal.
Maabo sigon nga paeoparan sa bilog nga Pilipinas nga legal ag ilegal. Maron nga problema sigon ro mga bukon it rehistradong paeoparan kung siin pila sa mga raya hay gintukod it lokal nga pulitiko.
Kaangot kara, ginhambae ni USec. Cruz nga andang biniberipika kung ro pantalan sa Sual, Pangasinan hay rehistrado sa Philippine Ports Authority.
Presente eon sigon nga nagapamuno bilang alkalde it Sual, Pangasinan si Mayor Liseldo Calugay nga pilang beses nga namimitlang ro panga-ean sa nagapadayon nga pagdungog it Senado kaangot sa pagtakas ni dimissed Bamban Mayor Alice Guo paguwa it nasyon. kinumpirma man it opisyal nga may una nga business interests si Alice Guo sa Sual.
