-- ADVERTISEMENT --
Ginkumpirma it Bar Standards Board (BSB) it Britain ro temporaryong pagsuspinde kay Karim Khan, dating chief prosecutor it International Criminal Court (ICC), angot it mga akusasyon it sexual misconduct kontra kana.
Suno sa BSB, insigida nga epektibo ro suspensiyon ag magapaidaeom raya sa pag-usisa it sangka Interim Suspension Panel sa sueod it masunod nga ap-at nga dominggo, sandig sa andang enforcement regulations.
Nauna eon nga ginsuspinde si Khan it ICC ku Hunyo 8 samtang nagapadayon ro imbestigasyon sa mga reklamo.
Mahugot man nga ginpamalibaran it 56-anyos nga abogado ro mga pasibangud kontra kana.
