-- ADVERTISEMENT --
KALIBO, Aklan–Kumpiyansa ro sangka football enthusiast nga mahimo it Philippine Women’s National Football team nga makapuntos apisar nga mga mabaskog ro ka-engkwentro kara nga koponan para sa nagahilapit nga FIFA Women’s World Cup 2023.
Suno kay Jaimer Dela Cruz, sangka football enthusiast nga ro unang appearance it national football team it nasyon hay mabahoe nga bagay agud mapukaw ro interes it mga pamatan-on nga sakdagon ro nasambit nga sports.
Ginapanan-aw man kara nga posibleng mabudlayan ro koponan sa unang hampang kontra Switzerland sa Hulyo 21.
Nasayuran nga mas ginataw-an makaron it atensyon ni coach Alen Stajcic kun paano ayuson ro dynamics it koponan.
