Kabilugan nga naging matawhay ro ika ap-at nga pagpanupod it educational assistance it Department of Social Welfare and Development ukon DSWD sa mga estudyante ag ginikanan sa ABL Sports Complex makaron nga adlaw.
Suno sa sangka ginikanan nga si Dainalyn Fernandez nga ko nagtaliwan nga Sabado ukon sa pangatlong payout kunta ro nakataeana nga pagbaton nana it nasambit nga ayuda apang bangud sa kakueangan it daea nga requirements hay ginpabalik lang makaron nga adlaw daea ro kompletong mga papeles
Mabahoe ro pagpasaeamat ni Dainalyn bangud sambilog eon imaw sa pormal nga nagapila para pagabatunon ro bulig it ahensya raya hay matapos sigon ro pilang dominggo nga hinueat ag ro mga inagyan antes mabaton ro ayuda.
Madumduman nga temporaryong ginpundo it taeatapan ro pagbaton it bag-ong mga aplikante para sa programa para mataw-an it prayoridad ro mga kompirmadong benepisyaryo nga owa nakabaton ko nagtaliwan nga Sabado bangud sa kakueangan it mga daeang requirements.
