Igapadayon it Senado ro imbestigasyon sa war on drugs it Duterte Administration magtambong man ukon inde si dating Pangueong Rodrigo Duterte suno kay Senate Minority Leader Koko Pimentel III.
Nakataeana makaron nga adlaw it Lunes, Oktubre 28 ro pagpamati it Senate Blue Ribbon Committee.
Gin-insister it senador, masobra sa 30 ro andang gin-imbitahan sa pagpamati ag maabo ro magabyahe para makatambong sa hearing.
Inde suno kana mahostage ro pagpamati sa war on drugs bangud eamang sa kawad-an it presensya it sangka tawo.
Maskin aminado si Pimentel nga importante ro magiging testimonya ni Duterte apang bukon nana it kontrolado ro hueag it dating punong ehekutibo kapin eon ag maeayo raya sa Maynila.
Nauna eon nga gin-insister ni Senador Ronald “Bato” dela Rosa nga magatambong si Duterte sa pagpamati it Senado angot sa war on drugs.
Plano ni Pimentel nga tapuson ro imbestigasyon antes matapos ro presenteng dag-on.
