KALIBO, Aklan–Nagapati si Atty. Chris Gonzales, sambilog sa mga miyembro it Aklan Baghay Inc. nga indi dapat madaeahig ro ibang miyembro it Philippine National Police (PNP) nga owa it kahilabtanan sa iligal nga hilimuon it mga scalawag.
Raya ro naging reaksyon ni Atty. Gonzales kasunod it statement ni Department of the Interior and Local Government (DILG) Secretary Benjamin Abalos nga magsumite it courtesy resignation letter ro mga Colonels ag Generals it PNP bangud sa problema sa iligal nga droga.
Dapat sigon nga ro mga natumod eamang nga persona ro usisaon ag ipaidaeom sa imbestigasyon.
Dugang pa kara nga bilog ro anang suporta sa internal cleansing campaign it PNP ag DILG agud nga malimpyuhan halin sa iligal nga hilimuon ro mga miyembro kara apang bukon imaw it pabor nga magsumite it courtesy resignation letter ro mga high ranking official.
Nauna eon nga ginpahayag ni Ablos nga kapin sa 300 ka mga police personnel ro ginapatihan nga eakot sa iligal nga droga.
