Ginpahayag it Bangko Sentral ng Pilipinas nga nagapabilin nga mataas ro inflation rate it nasyon makaron nga buean it Agosto.
Raya hay kasunod it ginpatigayon nga survey it BSP kun sa siin, base sa prediksyon it mga eksperto sa pribadong sektor, padayun nga magataas ro inflation makaron nga dag-on antes nga magnaba sa masunod nga mga dag-on.
Suno sa BSP nga ginaeauman eon nanda ro inflation rate it nasyon nga maga-abot sa average nga 5.4% makaron nga dag-on, 4.2% sa masunod nga dag-on ag 3.7% man para sa dag-on 2024.
Mag-eowas kara, nagaeaum man ro central bank nga maga-eampas ro inflation sa target range it gobyerno makaron nga dag-on.
Suno sa BSP, ro padayun nga pagnaba it kantidad it piso kontra dolyar ag “second-round effects” ro rason it pagkontrol it produksiyon sa mga produkto ag serbisyo maging ro paghatud sa mga baealigyaan nga nakakaapekto sa inflation rate it nasyon.
