Naglunsar ro Iran it drone attack kontra sa mga base militar ag pasilidad it Estados Unidos sa nagkaeain-eain nga parte it Middle East bilang baeos sa sunod-sunod nga pag-atake it US.
Nareport man ro mga pagsabog sa pilang lugar sa Iran, kun siin ap-at ro namatay ag lima ro naninahan sa nabagatnan-nakatungdan nga parte it nasyon.
Kasunod kara, ginreport ro mga pag-atake sa Kuwait, samtang pinatunog ro mga air raid siren sa Bahrain ag Jordan.
Temporary man nga ginpundo ro mga flight sa Erbil International Airport sa Iraq matapos ro ginreport nga pagbagsak it drone.
Samtang, ginkondena it Iran ro plano it Estados Unidos nga gamiton ro mga nakapirming Iranian assets bilang pambayad sa mga kahalitan it gyera.
Padayon man nga naga-lala ro tensyon sa tunga it daywang nasyon matapos mapaseawan ro kasugtanan nga ceasefire ku Hunyo.
Nagpatigayon man ro Estados Unidos it panibag-ong airstrike kontra sa mga target militar it Iran, samtang uman nga sumaka sa masobra 100 dolyar kada bariles ro presyo it langis bangud sa kabaeaka sa nagaeawig nga kinagamo sa Middle East.
