HEALTH News — Nagpadumdum ro Philippine Heart Association sa publiko nga bukon eamang it pinaagi sa pagpaeayo sa mga taong toxic sa kabuhi ro sabat agud nga maprotektahan ro tagipusuon .
Sa datos it Philippine Statistics Authority (PSA), ginpahayag PHA nga ro nagapangunang killer disease sa nasyon ko 2020 ag 2021 hay ischemic heart disease ag COVID-19.
Ro ischemic heart disease hay nagasakop sa pagkamatay it 18.7% it kabilugan nga pagkamatay sa nasyon ko unang parte it 2021.
Bangud kara, gin engganyo it PHA ro publiko nga ieakip ro bag-ong 5-2-1-0-0 teknik ukon ro limang servings it tinuea ag prutas, 2 gramo it asin, 1 oras nga ehersisyo, zero smoking, ag zero sugary drinks.
Sa pihak kara, ginpahayag man it asosasyon nga ro limang servings it prutas sa sang adlaw hay owa gina rekomenda para sa mga problema sa lebel it glucose.
Gin engganyo man it PHA ro publiko nga likawan nga balewalaon ro angina, nga pwedeng sintomas it atake sa puso ag stroke.
Ro angina hay kaeabanan nga sangka sakit ukon pagkabatyag it ‘discomfort’ sa tunga it dughan; sakit sa mga butkon, waea nga abaga, likod, siko ag panga; matag-od nga pagginhawa, pagsuka, natag-eu-ad; pagbinhud it sangka parte it eawas; pagkaduea it balanse ag koordinasyon, masakit nga ueo ag nalipong.
