Nakataeana nga magbyahe sa Qatar ro delegasyon it Israel sa adlaw it Linggo.
Raya hay para makipagpueong sa mga mediators nga nagasueong it untat-eukpanay sa Israel ag Hamas.
Una sa Qatar man si US Secretary of State Antony Blinken nga imaw nagpanguna sa pagsueong mga peacetalks.
Makaibahan nana sa pueong si CIA chief William Burns, Qatari Prime Minister Sheikh Mohammed bin Abdulrahman bin Jassim Al Thani ag si Egyptian intelligence chief Hassan Rashad.
Ro nasambit nga pueong hay magatalakay sa nagkaeain-eain nga options para daeayon nga mapahilway ro mga bihag it Hamas ag mag-angkon it peace negotiations.
Matandaan nga makapilang beses naghimo it pagsueong it peace talks halin kat nga-umpisa ro giyera sa Israel ag Hamas ku Oktubre it nagtaliwan nga dag-on.
