INTERNATIONAL News — Uman nga ginpaandaman it Israel ro Hamas nga indi sanda magapundo sa airstrikes hasta nga eubusan nga mapahilway ro mga bihag nga andang ginabuytan.
Suno kay Israeli Defense Minister Israel Katz, may mga puwersa eon sanda nga haum agud nga sakupon ro mabahoe nga parte it Gaza.
Ginlaygayan eon man nanda ro mga residente it Gaza nga mag-evacuate bilang pagpahaum sa mga mabaskog nga airstrikes.
Nagpanindugan sanda nga hasta nga nagapakamatig-a ro Hamas nga pahilwayon ro mga bihag hay maabu nga mga teritoryo ro masakop it Israel.
Nauna eon nga ginpahayag it Hamas nga nakikipag-angot eon sanda sa mga mediators nga nasyon kapareho it Qatar ag Egypt agud nga pugngan ro pag-atake it Israel ag magbalik sanda sa ceasefire.
Madumduman nga sa nagtaliwan nga daywang adlaw hay indi maganaba sa 500 katawo eon ro namatay sa airstrike it Israel.
