KALIBO, Aklan—Gintibag ro information center it municipal tourism office sa banwa it Kalibo kaibahan ro comfort room nga nahamtang sa may parte it Kalibo pastrana park.
Suno kay sangguniang bayan member Ronald Marte nga tuyo kara nga maayos ro lugar ag maging dugang nga atraksyon sa mga turista ag mga pumueuyu.
Makabig man suno kana nga eye sore ro istraktura ag sabeag sa view it kabilugan it plaza.
Kaibahan sa plano hay pag-landscape sa lugar ag pagbutang it dugang nga mga bangko ag iba pang palamuti agud nga maging sambilog nga tourist attraction bukon eamang sa mga foreign kundi sa local tourists.
Samtang, kaibahan sigon sa development plan sa kalibo pastrana park hay ro pag-renovate kara ag pagbutang it baealigyaan it mga souvenir items ag mga pasalubong para sa mga bisita ag turista.
Ginaduso man sigon nana bilang chairman it committee on tourism ro pag-ayos sa old building it munisipyo eabi eon sa likod nga portion.
Suno kana nga ginhinyu eon nana kay Kalibo mayor Juris Sucro pinaagi sa sangka resolusyon ro pag angkon it perspective plan para sa nasambit nga proyekto.
