Uwa it mahimo ro mga jeepney drivers sa uman nga pagsaka sa presyo it langis nga epektibo kahapon nga adlaw it Martes.
Suno kay Alfredo Mansari, jeepney driver it byaheng Tangalan-Kalibo vice versa nga maskin gustuhon man nanda nga magpataas it pamasahe bangud sa sigidas nga pagsikad ko presyo it produktong petrolyo hay inde nanda maobra bangud uwa pa sanda it bag-ong taripa nga nagamando sa pagpasaka it pamasahe nga maghalin sa Land Transportation and Franchising Regulatory Board ukon LTFRB.
Sa pihak it pagtaas it numero it mga commuters hay nagapabilin nga mahina ro andang kita bangud nga kueang pa ipatayon it krudo ro andang matipon sa sueod it sang adlaw nga pagbyahe.
Gapamorsyentuhan pa sigon imaw kon siin uwa nagahalin sa 200 hasta 300 pesos ro anang ginauli sa anang pamilya sa kada adlaw nga pagbyahe.
Nagapabilin sa 27 ro seating capacity it jeepney bangud nga ginbawaean eon sanda nga magbutang it bangko sa tunga para pungkuan kunta it extrang pasahero.
Sa makaron ro pamasahe halin sa banwa it Tangalan paadto it Kalibo vice versa hay 35 pesos para sa regular commuters ag 30 pesos mat-a para sa mga estudyante, senior citizen ag pwd.
