ENTERTAINMENT News– Bedridden eon si Kris Aquino ag inde eon sigon imaw haeos makahueag.
Raya ro anang gin-ako ag ginpakigbahin sa publiko kadungan sa paghambae nga nakabalik eon sa Los Angeles ro anang daywang ka mga onga nga sanday Josh ag Bimby.
Kadungan kara hay ro anang pagpasaeamat sa mga tawo nga nagpakita it pagpalangga ag malasakit kana.
Apang, padayon ro anang pakikipagsukoe para sa anang mga pinalangga sa kabuhi.
Dugang pa nana nga ginkakibot pa sigon kara nga nagpasugot si Josh nga bisitahon imaw sa Amerika.
Gin-ako pa it aktress nga grabe ro anang ginaagyan makaron kon sa siin malisod mag chemotherapy medication bilang kaparte it anang immunosuppressant therapy kon uwa it support system maghalin sa pamilya.
Sa ana sigon nga ginaagyan makaron hay inde gid imaw magsurender ag magasukoe para sa anang mga onga nga makaibahan ro mga raya it maeawig pang panyempo.
