KALIBO,Aklan– May kabilugan nga 15 nga atletang Akeanon halin sa mga pampubliko ag pribadong eskwelahan sa probinsiya ro makikipag-compete sa mga pinakamayad nga batang atleta sa bilog nga nasyon sa patag it athletics sa pagahiwaton nga Palarong Pambansa 2023 sa Marikina City umpisa Hulyo 29 hasta Agosto 5, 2023.
Suno kay Jovie Ote, sangka manugturo ag coach sa athletics nga ro ap-at kara hay naghalin sa secondary boys samtang ro 11 hay halin sa elementary boys and girls.
Apang posible pa nga magabag-o ro nasambit nga numero bangud sa bag-ong patakaran nga ginapatuman.
Napili sigon ro mga raya nga maging representante it Region 6 Western Visayas sa athletics matapos nga makasueod sa qualifying standards sa selection it mga atleta base sa andang naging performance sa ginpatigayon nga ranking partikular sa andang nailistang distance, time, ag points.
Raya hay kabaliskaran sa dating patakaran nga nakabase sa nahakot nga gold medal.
Samtang, ginkumpirma ni ote nga nag umpisa ro andang training ko hunyo 24 ag magatapos sa hulyo 24 antes nga magabiyahe paagto sa Marikina City.
Samtang, ginklaru ni ote nga ro ginbag-o nga competition format hay nagatuyo nga malikawan nga madisturbo ro klase ag ro pag-observe sa minimum public health and safety protocols sandig sa DepEd Order No. 34 ag iba pang kaparehong ginpaguwa nga polisiya ag guidelines.
Gindugang pa nga maabu nga mga atleta halin sa Western Visayas ro nakasueod sa qualifying standard it palarong pambansa.
