KALIBO, Aklan—Nagapadayun pa ro imbestigasyon it mga otoridad angot sa nakit-an nga kalansay it tawo sa kabutungan bandang alas 9:00 Huwebes it agahon sa Sitio. Ilaya, Barangay Napatag, Tangalan.
Suno kay Punong barangay Jazon Candelario it nasambit nga lugar nga ro anang kagawad nga si Dino Batoy ro nakakita it kalansay samtang nagalingkad it niyog.
Nakita sa kalansay ro suksok kara nga eambong nga puti ag shorts ukon palda nga blue nga makabulig sigon agud nga matumod ro identity ukon pagkatawo it namatay.
Matapos nga maproseso it SOCO, gindaea sa sangka punerarya ro kalansay.
Samtang, gindugang pa ni Kapitan Candelario nga gin-agtunan eon it pamilya it missing person sa barangay monlaque sa banwa it ibajay ro nakit-an nga kalansay.
Ginasugid nga nobyembre pa it nagtaliwan nga dag-on hay gina-alegar nga naduea ro sangka ina nga senior citizen nga nauna eon nga gin-report it anang mga unga sa Ibajay PNP.
Mabahoe sigon nga paealigban kon paalin nga naka-abot sa nasambit nga lugar ro biktima bangud nga mag-eowas nga nabukid hay maligwin pa.
