KALIBO, Aklan — May kabilugan nga 390,360 nga botante ro probinsiya it Aklan para sa May 2019 midterm elections base sa record it Commission on Elections (Comelec).
Base sa presenteng numero it mga botante sa probinsiya, ro kabisera nga banwa it Kalibo ro may pinakamataas nga registered voters nga may 51,070 nga ginsundan it banwa it Malay nga may 40,913; Ibajay nga may 30,949; New Washington nga may 30,415 ag Banga nga may 27,931 .
Ro iba pang banwa hay may 22,000 panaba nga kon sa siin ro banwa it Lezo ro may pinakamanaba nga numero nga botante nga 9,667.
Nauna eon nga ginpahayag it Comelec nga ro nasambit nga listahan it mga botante hay natigayon eon nga malimpyuhan pinaagi sa pagbo-oe sa mga botante nga namatay eon ukon nag-transfer .
Nataeupangdan ro pagtaas it numero it mga botante sa Malay nga kon sa siin nahamtang ro isla it Boracay nga nagapangaywa eon sa banwa it Kalibo may pilang eleksyon eon ro nagtaliwan .
Ro Aklan nga may 327 nga barangay hay may 2,543 nga presinto ag 560 nga clustered ukon grouped precincts.
