KALIBO, Aklan—Ginpasiguro it hepe it Kalibo Municipal Police Station nga si P/Major Jason Belciña nga instrikto sa gihapon nga igapatuman ro health protocols sa idaeum it COVID Alert Level 2 sa probinsiya it Aklan eabi eon sa banwa it Kalibo.
Suno kana nga may bastante sa gihapon sanda nga mga tawuhan nga iga-deploy sa mga nagapangunang karsadahon agud nga ipatuman ro health protocols ag siguraduhon ro seguridad it publiko partikular sa mga lugar nga ginapasugtan nga warangan.
Samtang, nag apela man si Belciña sa publiko nga hugut nga sundon ro advisory nga ginpaguwa ni Aklan Governor Florencio Miraflores eabi eon ro pagpatuman it curfew hours kun sa siin ginpatag-uran makaron sa alas-11 it gabi-i hasta alas-4 it aga-aga.
Mag-eowas kara, ap-at eon nga pasahero ro ginapasugtan sa mga pampasaherong tricycle.
Ginapasugtan eon man sigon ro pagguwa it mga minors apang kinahangean nga may kaibahan nga ginikanan ukon guardian.
Kinahangean sigon ro pagbuylog it publiko at padayun nga magpangaman ag indi maging pabaya.
Nagapabilin suno kana ro paeag it COVID-19 rason nga ro tawo ro dapat nga mag-adjust pinaagi sa tamang pagsunod sa mga patakaran.
