KALIBO, Aklan—Kadungan sa selebrasyon it 451st foundation day it banwa it Kalibo, uman nga ginduso ni sangguniang bayan member Agosto Tolentino nga maging siyudad ro banwa.
Pinaagi sa anang privilege speech, ginhinyu ni Tolentino kay Aklan 1st district congressman Carlito Marquez nga iduso ro hagna para sa nasambit nga cityhood status.
Kwalipikado eon suno kana ro banwa nga maging siyudad matapos nga maabot ro population ag land area requirement.
Naabot eon sigon it Kalibo ro economic development bilang daean paagto sa pamosong isla it Boracay.
Ginpahayag dugang ni Tolentino nga uman nana nga igaduso ro resolusyon nga naga hinyu kay congressman Marquez nga mai-refile sa manaba nga kapueongan it kongreso ro hagna para sa pag-convert it banwa halin sa munisipyo paagto sa siyudad.
Nagapati imaw nga pagtinguhaan ni Marquez nga maduso ro hagna sa ulihing termino kara sa kongreso agud nga maging handumanan it mga kalibonhon.
