Kalibo SB member Tolentino, nagpasa it ordinansa para sa mga indigent PWD ag senior citizen

KALIBO, Aklan—Nagpasa it sangka ordinansa si Kalibo Sangguniang Bayan member Augusto Tolentino nga makabulig sa mga indigent Person with Disability (PWD) ag senior citizen.

Ginpaathag ni Tolentino nga nakabaehag sa anang ordinansa ro dugang nga benepisyo para sa mga PWD ag katigueagan partikular ro paagtao it hospitalization benefit.

Sarang sigon nga makabaton it kapin sa P4,00 ro kada senior citizen bilang medical benefit samtang P5,000 man ro para sa death benefit.

Ginpabugae pa kara nga maabo eon ro nakabenepisyo sa anang ordinansa.

Ginlaygayan man kara ro nasambit nga mga sector nga perming daehon ro ID agud nga magamit ro limang porsyentong diskwento sa mga establisyemento sandig sa laye.