Kalibo SB members, ginkasugtanan sa session nga unahon anay nga aprubahan ro pondo sa pagbakae it eugta para patindugan it mga proyekto it LGU

KALIBO, Aklan—Ginkasugtanan sigon it mga miyembro it Sangguniang Bayan it Kalibo sa andang ginpatigayun nga session kahapon nga adlaw it Lunes nga unahon anay nga aprubahan ro pondo sa pagbakae it eugta nga pagapatindugan it pilang ka mga proyekto it lokal nga gobyerno.

Suno kay Kalibo Sangguniang Bayan member Augusto Tolentino nga ro nasambit nga mga eugta hay makit-an sa Brgy. Nalook, Old Buswang ag Tinigaw sa nasambit nga banwa.

Suno kay Tolentino nga ginpasa eon kahapon ni SB member Mark Quimpo ro resulta sa andang ginpatigayun nga committee hearing ko mga nagtaliwan nga adlaw.

Ro mga pondo sa natungdan nga mga proyekto hay kaparte it gina-loan ukon utang it LGU nga masobra P691 million sa Development Bank of the Philippines.