Pormal eon nga ginbaton it liderato it Kamara de Representantes, sa pagpanguna ni House Speaker Ferdinand Martin Romualdez, ro 2025 National Expenditure Program (NEP) nga nagabalor it P6.352 trilyon pesos.
Raya hay matapos nga ginsumite eon it Department of Budget and Management (DBM) sa idaeom it pagpamuno ni Secretary Amenah Pangandaman.// ro National Expenditures Program para sa masunod nga dag-on hay bukon eamang it sangka plano it panggastos kundi sangka giya agud nga maabot ro Philippine Development Plan 2023-2028.
Igasaalang-alang sigon it Kongreso ro pagaboe-an it pondo, kahauman nga maipatuman ro mga programa ag proyekto, kapasidad it mga ahensya nga gastuson ro pondo nga gintaeana kanda ag ro pagsunod sa spending priorities.
Ro pagsumite it National Expenditures Program hay senyales it maid-id nga pagtalakay sa pondo nga masolusyunan ro pinakaimportanteng kinahang-eanon it nasyon base eon man sa handom ni Pangueong Ferdinand R. Marcos Jr. para sa masaganang Pilipinas.
