KALIBO, Aklan—Kapin sa 26,762 square meters ag sa bisinidad eamang it Metallica Shipyard sa Brgy. Polo, New Washington ro apektado it oil spill nga maghalin sa nagleak nga lube oil sa ginabreak nga power barge.
Sa nasambit nga kaeaparon, haeos 6,750 liters it langis nga may tubi ro natipon halin sa unang adlaw it pagkalhit it langis.
Angot kara, daywang ka fish cage ag sangka taeabahan ro apektado base sa statement sa sangka press conference nga ginpangunahan ni Engr. Jonathan Salvador nga imaw man ro tag-iya it Metallica Shipyard ag Philippine Coast Guard.
Ginahueat pa sa makaron ro resulta it water sampling nga ginbuoe it Bureau of Fisheries and Aquatic Resources ukon BFAR ag Municipal Agriculture Office it LGU New Washington sa kasubaan nga ginkalhitan it langis.
Apela ni Engr. Salvador nga maging transparent ro natungdan nga ahensya bangud nga ginahimo man nana ro anang parte bilang tag-iya it Shipyard maskin nga bukon it ana ro power barge nga gintunaan it problema.
