Naga-abot sa kapin sa 4.49 milyon ro numero it mga nagpa-rehistro nga botante para sa paeaabuton nga barangay ag Sangguniang Kabataan (SK) elections suno sa Commission on Elections (Comelec).
Base sa datos it Comelec, nagapanguna ro Calabarzon ro may pinakamaabu nga registrant samtang ro Cordillera Administrative Region (CAR) ro naka-record it pinakamanaba.
Ro mga kwalipikado nga botante hay may hasta eon lang sa Mayo 18 agud makapa-rehistro sa satellite ag mall registration sites ukon sa opisina it mga election officers.
Samtang, nagpahayag man ro Comelec nga 95% eon nga haum para sa Barangay and SK elections sa Nobyembre 2, 2026.
Temprano nga nakaimprinta it mga balota ro komisyon eabi eon sa BARMM elections sa buean it Setyembre ag ro BSKE nga haeos magadungan.
Sa makaron hay ginahueat eon lang ro procurement it pilang election materials.
Sa pihak nga parte, bukon sigon it pabor ro poll body sa ginaduso it pilang mga mamalidha nga i-postpone it uman ro BSKE bangud mas mayad nga regular ro pagpatigayon it eleksyon para sa mga barangay officials.
