KALIBO, Aklan—Nagpatalbugan sa swimsuit challenge ro kapin sa 53 nga kandidata it Miss Universe Philippines 2024 bilang kaparte sa andang preliminary contests nga ginpatigayon sa Aqua Boracay.
Sa nasambit nga paindis-indis waeong delegado ro napilian it mga hurado bilang Aqua Boracay Angels.
Sa pihak kara, nakaangkon it surpresang anunsyo kon sa siin kapin sa 12 pang mga kandidata ro naging unang brand ambassadors it Arete Tagaytay kon sa siin si Stacey Gabriel it Cainta hay napilian man bilang Ms. WeSportz by Aqua.
Samtang, uwa nagpaulihi ro pambato it Iloilo nga si Alexie Brooks ag Athisa Manalo it Quezon Province kon sa siin kaibahan ro mga raya sa nagpangibabaw sa swimsuit challenge.
Nasayuran nga pagakoronahan it reigning queen nga si Michelle Marquez Dee ro anang successor sa final competition sa Mall of Asia Arena sa Pasay City sa Mayo 22.
Ro magadaog sa 2024 Miss Universe Philippines ro magarepresentar it nasyon sa 73rd Miss Universe pageant nga igapatigayon sa Mexico kon sa siin dikara masayuran kon sin-o ro magabueos kay Miss Universe 2023 Sheynnis Palacios.
