KALIBO, Aklan—Kapin sa 80 kilos nga basura ro nakolekta maghalin sa baybayon it isla it Boracay sa ginpatigayon nga International Coastal Cleanup 2021 kahapon nga adlaw, Setyembre 18, 2021.
Raya hay ginpangunahan it Department of Environment and Natural Resources (DENR) ag Community Environment and Natural Resources Office (CENRO) sa koordinasyon man it Boracay Business Administration of Scuba School (BBASS), Philippine Coast Guard (PCG), ag Municipal Disaster Risk Reduction Management Office (MDRRMO).
Ro mga basura nga nakolekta hay ginakaeakipan it mga bote, lata, goma, fishing gear, face mask, diaper ag maabong iba pa.
Nasayuran nga ro isla it Boracay hay uman nga nagbukas sa domestic tourist matapos nga ginbutang sa general community quarantine ro Aklan, ro pinakamanaba nga quarantine classification bilang pagdahan sa nagapadayon nga pagkalhit it pandemya tuga it covid-19.
