KALIBO, Aklan—Ginkumpirma it Police Regional Office-6 nga kapin sa P42.3 milyon nga balor it iligal nga droga ro nakumpiska ag 312 nga indibidwal ro naaresto sa bilog nga Western Visayas ko buean it Setyembre.
Suno kay P/Lt. Col. Arnel Solis, tagapaghambae it Police Regional Office 6 nga raya hay kasunod it mas ginpabaskog nga kampanya kontra sa iligal nga droga ag iba pang illegal activities.
Mag-eowas kara, ko unang domingo it oktubre hay nakakumpiska eon sanda it haeos P18 milyon nga balor it iligal nga droga nga ginaeakipan it shabu ag marijuana.
Kaeabanan sigon sa mga involve makaron sa illegal drug trade hay ro mga individual players kun sa siin haum sanda nga magbaton it supply bangud nga owa it limitasyon nga ginapa-utang raya kanda.
Maabu sa andang supply hay nagahalin sa guwa it Western Visayas .
Sa pihak nga parte, ginatutukan man it kapulisan makaron ro kampanya kontra sa illegal gambling kun sa siin ko buean it setyembre hay nakapatigayon sanda it 112 police operations ag naga abot sa 349 nga mga indibidwal ro nadakpan.
Sa nasambit nga numero, 5 nga operasyon ro nahimo it Aklan Police Provincial Office ag 9 ro nadakpan .
