Nakaangkon eon it pagnaba sa mga nailistang kaso it COVID-19 sa Spain.
Raya hay matapos ro masobra daywang dag-on nga pagpanaeasa it pandemya sa bilog nga kalibutan.
Angot kara, ginpahayag ni Bombo International Correspondent Maria Edzel Lamparero Lopez nga padayun gihapon nga gina-require ro paggamit it face mask sa mga pumueoyo eabi eon kung nagasueod sa indoor places kapareho it ospital, pharmacy, nursing home ag public transportation.
Apang, kung naga-adto man sa outdoors kapareho it parke, shopping center ag maskin sa restaurant hay bukon eon it kinahang-ean nga magsuksok pa it face mask.
Amat-amat eon suno kana nga nagabalik sa normal nga pagpangabuhi ro mga tawo sa Espanya.
Sa pihak nga parte, naga-abot eon sa 7,034 ro nailistang kaso it monkeypox virus sa andang nasyon kung siin tatlo ro namatay.
