KALIBO, Aklan—Nakalista it income ro Kalibo Sr. Sto. Nino Ati-Atihan Management Council, Inc. ukon KASSAMACO it kapin sa 9-million pesos base sa andang statement of income and expenses.
Apang suno kay KASSAMACO president Editha Ureta-Reyes nga may andang kabilugan nga gastos nga nag-abot sa masobra sa 8.5 million pesos.
Ro andang kwarta nga ginabuytan ag kwarta sa banko hay naga-abot sa 580,000 pesos , apang may kinahangean pa sanda nga bayaran.
Kaabuan sigon sa andang income hay naghalin sa corporate sponsors, kita sa ticket halin sa ati atihan events , souvenir program advertisements, ag iba pa.
Madumduman nga naging kontroberrsiyal ro financial report it KASSAMACO matapos nga naatrasar ro pagsumite kara sa taeatapan ni Kalibo Mayor Emerson Lachica, kun sa siin, base sa mandato, dapat nga 60 diyas pagkatapos it selebrasyon hay makasumite eon sanda kara.
