Bukon eang sa presenteng administrasyon natabo ro political crisis.
Raya ro naging pahayag ni Prof. Ramon Beleno III, sangka political analyst.
Suno kana, ro presenteng pulitika sa nasyon hay ro rurok eon it sitwasyon.
Base sigon sa anang personal nga opinyon, raya hay nagakatabo bangud nga nagin timprano ro pulitika.
Sa pag-daog paeang sigon ni President Ferdinand Marcos Jr. hay maabo eon ro pumwesto ag naga-hueat sa anang pagpanaog para nga maging masunod nga presidente.
Paathag nana nga ku dag-ong 2022 pa eamang hay nag-angkon eon it 2028 presidential survey, kaya makabig nga masyadong timprano kaya makaron hay kanya-kanya eon sanda it pwestuhan ag bangayan.
Sambilog man sa mga nakikitang rason it kinagamo hay ro kapaseawan nga mapapanaog sa pwesto ro pangueo it mga tagasuporta it dating administrasyon.
Paathag dugang ni Prof. Beleno, mabahoe ro nagiging epekto it political crisis sa nasyon.
Sambilog sa pinaka-derektang apekto hay ro ekonomiya nga kun sa siin bangud sa mga nagakaeatabo hay uwa eon nagagampanan it tama it mga opisyal it gobyerno ro andang obligasyon.
Maabong mga isyu nga uwa nasosolusyunan ag uwa natataw-an it atensyon bangu puro pulitika eon lang ro andang ginapokusan.
