Naghinyu ro Kingdom of Jesus Christ sa Davao City Engineering Office nga papunduhon eon ro gina-alegar nga drilling nga ginapatigayon it mga pulis para usuyon ro religious leader nga si Apollo Quiboloy sa sueod it andang compound.
Base sa report, nagsueod eon ro mga pulis sa 30 ektaryang KOJC compound ag may daeang nagkaeain-eain nga mga kagamitan.
Nauna eon nga ginpahayag ni Police Major Catherine Dela Rey, spokesperson it Police Regional Office 11 nga base sa na-detect it device nga heartbeat, makabig nga may underground facility sa compound.
Samtang, ginpamilit it abogado ni Quiboloy nga si Israelito Torreon, nga ro Davao Regional Trial Court (RTC) Branch 15 hay nag-isyu it temporary protection order (TPO) pabor sa KOJC.
Angot kara, ginklaru it Davao RTC nga owa ginapugngan it TPO nga ipatigayon ro operasyon it pulisya sa KOJC compound ag sa pagsirbi it warrant of arrest kontra kay Quiboloy ag iba pa.
Madumduman nga nakaangkon it tensyon matapos nga magpasueod ro mga pulis it sangka “blue box” sa sueod it compound.
Nagprotesta ro mga miyembro it KOJC kontra sa nasambit nga tikang ag ginhambae nga owa ginpaidaeum sa X-ray scanner ro nasambit nga kahon.
