KALIBO, Aklan — Na-inquest eon sa Aklan Provincial Prosecutors Office ro kaso kontra sa sangka Koreano nga aksidenteng nakabunggo sa mag-asawang Chinese national samtang parehong nakasakay sa jet ski sa Bolabog Area sa isla it Boracay.
Suno kay P/Major Jess Baylon , hepe it Malay Police Station nga kasong reckless imprudence resulting to multiple physical injury and damage to property ro andang ginpasaka sa Koreano nga si Sehoon Oh, 18, ag nagabakasyon sa isla .
Samtang, sa makaron hay padayun nga ginabueong sa Makati Medical Center sa Manila ro mag-asawang biktima nga sanday Wang Bao Long, 24, ag Jun Yu Ke, 29,, parehong taga China ag nagabakasyon man sa Boracay tuga it naangkon nga mga bali ag nina sa nagkaeain-eain nga parte it anang eawas .
Ginasugid nga ginhampak it mabahoe nga humbak ro jet ski nga ginamaneho it Koreano rason nga naduea-an it kontrol ag aksidenteng nabungguan ro kasub-eang nga jet ski it mag-asawa .
Bangud kara, inapok si Wang Bao Long nga nag-angkon it spinal cord injury.
