NATIONAL News — Ginkontra ni labor leader Luke Espiritu ro pagkumpara ni Vice President Sara Duterte sa anang ama nga si dating president Rodrigo Duterte kay dating Senator Benigno “Ninoy” Aquino Jr.
Ginpahayag ni VP Duterte nga mabahoe ro posbilidad nga maeksperyensiyahan man it anang ama ro kapalaran it ginpatay nga senador kat mag-uli raya sa Pilipinas halin sa ibang nasyon ko tiempo it martial law.
Nagapangatubang makaron si Duterte it trial sa International Criminal Court (ICC) sa The Hague, the Netherlands bangud sa gina-alegar nga crimes against humanity sa ginlunsar nga war on drugs it anang administrasyon.
“𝘠𝘶𝘯𝘨 𝘵𝘢𝘵𝘢𝘺 𝘮𝘰 𝘢𝘯𝘨 𝘯𝘢𝘨𝘱𝘢𝘭𝘪𝘣𝘪𝘯𝘨 𝘴𝘢 𝘱𝘶𝘮𝘢𝘵𝘢𝘺 𝘬𝘢𝘺 𝘕𝘪𝘯𝘰𝘺 𝘴𝘢 𝘓𝘪𝘣𝘪𝘯𝘨𝘢𝘯 𝘯𝘨 𝘔𝘨𝘢 𝘉𝘢𝘺𝘢𝘯𝘪. 𝘒𝘢𝘺𝘰 𝘯𝘨 𝘵𝘢𝘵𝘢𝘺 𝘮𝘰 𝘢𝘯𝘨 𝘯𝘢𝘨𝘪𝘯𝘨 𝘪𝘯𝘴𝘵𝘳𝘶𝘮𝘦𝘯𝘵𝘢𝘭 𝘴𝘢 𝘱𝘢𝘨𝘣𝘢𝘭𝘪𝘬 𝘯𝘨 𝘮𝘨𝘢 𝘔𝘢𝘳𝘤𝘰𝘴 𝘴𝘢 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯, 𝘴𝘪 𝘕𝘪𝘯𝘰𝘺 𝘢𝘯𝘨 𝘯𝘢𝘨𝘪𝘯𝘨 𝘪𝘯𝘴𝘵𝘳𝘶𝘮𝘦𝘯𝘵𝘢𝘭 𝘱𝘢𝘳𝘢 𝘴𝘪𝘭𝘢 𝘣𝘶𝘮𝘢𝘨𝘴𝘢𝘬,” pahayag ni Espiritu kay VP Duterte.
Nauna kara, ginpahayag ni VP Sara sa The Hague nga masyadong confident ro anang ama angot sa andang legal arguments nga iga-presentar it andang legal team sa ICC.
Ginpahayag dugang nga una sa mas mayad nga kondisyon ro ikamayad nga eawas ni dating Presidente Duterte matapos magpakita nga matsa gaoy imaw sa unang hearing sa ICC.
Madumduman nga ginbaril patay si Ninoy sa Manila International Airport ko August 21, 1983 bangud sa nagapangunang kritiko ni dating Presidente Ferdinand Marcos Sr.
“𝘗𝘢𝘨 𝘱𝘪𝘯𝘢𝘵𝘢𝘺 𝘵𝘢𝘵𝘢𝘺 𝘮𝘰 𝘢𝘯𝘨 𝘵𝘢𝘸𝘢𝘨 𝘥𝘪𝘺𝘢𝘯 𝘢𝘺 𝘫𝘶𝘴𝘵𝘪𝘤𝘦, 𝘯𝘰𝘰𝘯𝘨 𝘱𝘪𝘯𝘢𝘵𝘢𝘺 𝘴𝘪 𝘕𝘪𝘯𝘰𝘺 𝘢𝘯𝘨 𝘵𝘢𝘸𝘢𝘨 𝘥𝘶𝘯 𝘢𝘺 𝘪𝘯𝘫𝘶𝘴𝘵𝘪𝘤𝘦,” pahayag dugang ni Espiritu kay VP Duterte.
Kan-o eamang hay ginpahayag it Malacañang nga masyadong maeayo nga maikumpara sanday Duterte ag Ninoy bangud nga owa man it record it crimes against humanity ro ginpatay nga senador.
