Uwa nagustuhan ni House Committee on Public Order and Safety Chairperson ag Santa Rosa City Representative Dan Fernandez ro naging tikang it lokal nga gobyerno it Porac, Pampanga kontra sa nadiskubreng ilegal nga Philippine Offshore Gaming Operator hub rason nga ana raya nga ginkwestyon.
Sa pagpamati it Kamara angot sa criminal activities it mga Philippine Offshore Gaming Operator, ginisa ni Fernandez si Porac Mayor Jaime Capil kon ham-an it uwa raya it aksyon sa pihak it pagiging ilegal it Lucky South 99.
Apang, ginpahayag ni Capil nga Enero pa eamang it presenteng dag-on hay uwa imaw nagpaguwa it permit sa nasambit nga Philippine Offshore Gaming Operator hub bangud nga uwa raya it internet gaming license.
Punto it kongresista, bilang alkalde hay ginpasarado ukon na-padlock man lang kunta ro establisimiyento eabi eon ag ginbaliwala it Philippine Offshore Gaming Operator hub ro sueat nga ginpadaea halin sa opisina ni Capil.
