KALIBO, Aklan — Nagbuylog ro lokal nga gobyerno it Kalibo sa selebrasyon it ika-127 nga anibersaryo it Independence Day it nasyon nga ginpatigayon sa Kalibo Pastrana Park.
Ginpangunahan ni Kalibo Mayor Juris Sucro ro mga opisyal ag empleyado it munisipyo it Kalibo, nagkaeain-eain nga ahensiya it gobyerno, mga beterano ag iba pa.
Sa mensahe ni Mayor Sucro, padayun sigon nga nakikipagsukoe ro kada Pilipino sa kahilwayan ag iba pang mga problema nga ginapangatubang it nasyon.
Gin-engganyo man nana ro kada Akeanon nga dumdumon ro mga baganihan nga nakipagsukoe para sa pag-angkon it kinamatarung ag soberenya ukon kahilwayan it Pilipinas .
Ro tema sigon makaron nga “kalayaan, kinabuksan, at kasaysayan” hay klaru nga pagpadumdum katon sa aton nga tingob nga pagsukoe sa kapigaduhon, kawad-an it hustisya ag korapsyon.
Samtang, naging kaparte it selebrasyon it independence day ro paghaead it bueak sa rebulto it pambansang bayani nga si Dr Jose Rizal.
