LGU Kalibo nagpaandam sa mga kolorum nga mga tricycle nga inde eon maghana pang magbyahe sa banwa

KALIBO, Aklan—Uman nga nagpaandam  ro lokal nga gobyerno it Kalibo sa mga kolorum nga mga tricycle nga nagabiyahe sa banwa nga indi eon maghana bangud sa sigidas nga operasyon it mga awtoridad.

Suno kay Vivien Briones, head it transport and traffic management  it LGU-Kalibo nga ko nagtaliwan nga huwebes it gabi-i hay ginpabaskog sigon nanda ro pagpangdakop ag pag-impound sa mga kolorum nga mga tricycle kun sa siin naga-abot sa  31 ro andang nadakpan.

Sa nasambit nga numero, 3 kara ro taga banwa it Kalibo ag ro kaabuan  hay halin sa mga kaiping nga banwa.

Bangud sa reklamo it mga lehitimo nga mga tricycle drivers, gindesisyunan sigon  nga hugut nga ipatuman ro ordinansa  kontra sa mga kolorum ag ginmandu ro pagdakop sa  mga maga-eabag kara.