KALIBO, Aklan—Ginapabugae it lokal nga gobyerno it Kalibo ro pagiging national finalists sa most business friendly award nga ginatau it Philippine Chamber of Commerce and Industry ukon PCCI sa bilog nga nasyong Pilipinas.
Suno kay Kalibo vice mayor Dr. Cynthia Dela Cruz nga masyadong malisod nga makasueod bilang finalists it nasambit nga award.
Makabig sigon raya nga welcome development para sa LGU-Kalibo ag mabahoe nga kadaeag-an.
Mabahoe suno kana ro maibulig kara agud nga maka engganyo it maabu nga mga investors.
Engkaso nga magadaog, ro sangka LGU hay magabaton it classroom building para sa eskwelahan nga igapatindog it PCCI.
Sa oras nga magamadinaeag-on makaron nga dag-on , raya eon ro ikatlong beses nga mapasidunggan bilang most business friendly ro LGU-Kalibo kun sa siin ro pinaka-ulihi kara hay ko 2020 sa idaeum it administrasyon ni dating Kalibo mayor Emerson Lachica.
Ginakilaea it award ro mga LGU’s nga madinaeag-on nga napabaskog ro business business operations sa andang natungdan nga lugar pinaagi sa mga ginapatuman nga mga innovative reforms, programa ag polisiya.
Tuyo man kara nga mapakita ro success stories ag best practices it LGU agud nga maeampasan ro negatibong impact it Covid-19 pandemic sa business community.
