KALIBO, Aklan — Nagapadayun ro pagpahaum it lokal nga gobyerno it Kalibo para sa nakataeana nga opening of lights nga may titulong “Bag-ong Kahayag it Kalibo” sa Kalibo Pastrana Park sa maabot nga Disyembre 14.
Suno kay Mark Sy, head it Barangay Affairs it LGU-Kalibo nga maga-umpisa ro kasadyahan sa Disyembre 13 kun sa siin magapatigayon it 1st Yorme Juris Sucro motorshow.
Iga hightlight sa big day sa Disyembre 14 ro mas pinabongga nga opening of lights kun sa siin magiging bisita kara ro sikat nga bandang December Avenue.
Sa December 15 hay ro pagpatigayon it talent night it Miss Gay Competition.
Kadungan kara hay ro pagpatigayon gihapon it food fest sa nasambit nga lugar.
Paga-abangan man suno kana ag ginpasiguro nga indi mauyang ro pag-agto para sa nasambit nga okasyon bangud sa ginpahaum nga bonggang fire works display nga nagabalor it milyong piso.
Makaangkon suno kana it hugut nga seguridad ro mga awtoridad ag magapatuman it road closure ukon reblocking kapareho ko Opening Salvo it Kalibo Sr. Sto. Niño Ati-atihan Festival bangud sa ginaeauman nga pagbuhos it maabu nga tawo halin sa nagkaeain-eain nga banwa para saksihan ro okasyon.
Masaksihan man sigon it tanan ro mas ginpanami pa gid nga Pastrana Park matapos nga ipaidaeum sa development ag rehabilitation ag ginbutangan it dugang nga mga palamuti ukon dekorasyon.
