KALIBO, Aklan—Plano makarun it Local Government Unit (LGU-Kalibo) nga magbakae it eugta para pagabutangan it talipapa sa pilang ka mga barangay sa banwa it Kalibo.
Suno kay Barangay Kapitan Ronald Marte it Barangay Pook Kalibo nga ginmaduan eun makarun ro mga Barangay Kapitan nga mag-usoy it lugar nga pwedeng pwestuhan it mga manugbaligya.
May kaangtanan kara, hugot nga igapatuman ro pilang ka mga regulasyon agud malikawan ro pagkalhit pa it COVID-19.
Pagsunod sa minimun health standard kapareho it simpleng pagsuksok it facemask ag pag-obserba it physical ukon social distancing.
Ginpahayag dugang ni Marte nga makarun nga tyempo it pandemya, dapat bukon eamang it kaugalingon ro isipon kungdi pati man ro mga indibidwal nga naduea-an it trabaho , owa it ginakita ag indi makabakae it pagkaon para sa andang pamilya.
Ginklaro dugang nga raya hay “temporary” eamang samtang una pa sa idaeum it community quarantine ro bilog nga probinsya it Aklan.
