KALIBO, Aklan—Uman nga nag-apela ro lokal nga gobyerno it Kalibo sa mga pumueuyu nga makipag-kooperar sa gobyerno ag sundon ro social distancing.
Raya hay kasunod it reklamo nga owa nagasunod sa patakaran ro bumaeakae sa Oyotorong talipapa ag padayun nga nagatumpok-tumpok ag owa nagadistansiya sa kada isaea.
Suno kay Executive Assistant Basil Tabernilla it LGU-Kalibo nga nahimo eon ni mayor Emerson Lachica ro tanan nga mga tikang ag pagpadumdum rason nga nakadepende eon sa mga kapulisan ro pagtuman sa anang mandu.
Eubus sigon nga nasayuran it alkalde ro importansiya it “social distancing” nga sangka pamaagi agud nga matapna ro pagkalhit it coronavirus disease ukon COVID-19.
Ro social distancing hay nagakahueugan nga dapat nga mag-distansiya it kapin sa one meter sa kada isaea agud nga malikawan ro contact ag malimitahan ro posibleng pagkalhit it virus.
Mag-eowas kara, sanayon man ro kaugalingon nga pirmeng maghugas it alima ag magtabon it baba gamit ro siko ukon tissue kon naga-ubo ukon nagabahaon.
