KALIBO, Aklan — Bukon man it pabor si acting Malay Mayor Frolibar Bautista sa ginaproponer it Department of Public Works and Highways ukon DPWH nga mai-convert nga national road ro pilang nagapangunang karsadahon sa isla it Boracay.
Suno kana nga gin-refer nana ro proposisyon sa Sangguniang Bayan it Malay para sa paghimo it resolusyon matapos nga gin suhestiyon raya kana it DPWH .
Ginpahayag dugang nga ro karsada halin sa Brgy. Manocmanoc paagto sa Yapak hay naging provincial road ko 1997 halin sa pagiging municipal road .
Suno kay Mayor Bautista nga nagakabaeaka ro mga taga-isla nga engkaso nga maging national road hay ipatuman ro 40 meters nga eapad it karsada.
Maabu sigon nga naapektuhan nga mga establisimento komersiyal ag istraktura kat ginpatigayon ro clearing ag road widening operations sa isla ko tiempo nga ginpaidaeum raya sa an-um nga buean nga rehabilitasyon, kun sa siin hay gin-implementar ro 12-meter road setback .
Maskin suno kana si Governor Florencio Miraflores hay bukon it pabor sa proposisyon bangud nga masarangan man sigon nanda nga magtaeana it pondo para sa maintenance ag repair it nasambit nga mga karsada.
