-- ADVERTISEMENT --
KALIBO, Aklan—Owa anay ginapasugtan it lokal nga gobyerno it Malay ro pagpatigayun it merry making ukon sadsad ag iba pang aktibidad angot sa selebrasyon it Ati-atihan Festival sa isla it Boracay.
Suno kay Police Lieutenant Colonel Don Dicksie De Dios, hepe it Malay Municipal Police Station nga ginpakamayad it local chief executive nga bawaean ro paglunsar it mga aktibidad nga naga-engganyo it maabu nga tawo.
Nasayuran nga nagaselebrar it kaugalingon nga bersyon it Ati-atihan festival ro isla kada buean it Enero.
Apang, bangud sa pandemya hay temporaryo anay rayang igapaiway agud nga taw-an it daean ro public safety.
