FRANCE – Libo-libong mga grupo ro nagprotesta sa nagakaeain-eain nga parte it France matapos mapili nga bag-ong Prime Minister si Michel Barnier.
Ginabana-bana nga ga-abot sa 110,000 ro mga nag protesta ko sabado nga pinangunahan it grupong trade unions and members of the National Policy Forum (NPF) nga nagpahayag it pagka dismaya bangod ro anang kaugalingon nga kandidato para sa Prime Minister hay ginreject ni President Emmanuel Macron.
Nagapamaeabag man ro mga grupo sa pahayag ni Barnier nga pagaeai-non ag bag-uhon ro estado it gobyerno sa France.
Gintawag man ni France Unbowed party, Jean-Luc Mélenchon, ro ginhimo nga protesta ko sabado nga ”For democracy, stop Macron’s coup”.
Samtang ginahambae man nanda ro “denial of democracy” ag “stolen election”.
Una eon nga ginreject ni Macron bilang Prime Minister si Castets sa kabangdanan nga uwa raya it chance nga maka survive o makabuoe it boto sa National Assembly.
Samtang, nagpahayag man it reklamo si socialist Paris Mayor Anne Hidalgo nga dapat sigon ginkonsidera ro pag pili kay dating socialist prime minister, Bernard Cazeneuve, apang nauna aman nga ginpamalibaran ni Macron bilang kaibahan sa ana nga partido.
