Nakatabaton it tawag ro Libacao BFP halin sa Municipal Disaster Risk Reduction (MDR) hanungod sa nasunog nga iskwelahan nga Tigbawan Primary School sa Barangay Maria Cristina, Madalag, Aklan, bandang 1:22 aga-aga it Agosto 8.
Suno kay FO1 Jovanie Bautista, designated officer it Bureau of Fire Protection (BFP) Libacao, lima ka classroom ro nadamay sa sunog, halin Grade 1 hasta Grade 5.
Uwa it security guard sa eskwelahan bangud Sabado.
Nakaabot ro BFP sa lugar bandang 1:55 it aga-aga.
Bangud sa kaeayuan ag indi makaabot dayon ro firetruck, nagpatuman it bucket brigade samtang naggamit man it waeo ka fire extinguisher ro MDRRMC sa pag-paeong it kaeayo.
Padayon pa ro imbestigasyon it BFP sa ginhalinan it sunog ag kabiligan nga danyos.
Uwa man it na-report nga naninahan ukon namatay sa insidente.
