Presenteng una sa idaeom it civil ag criminal forfeiture ro gin-raid nga limang Philippine Offshore Gaming Operator (POGO) hubs ag mga nakumpiskang saeakyan.
Suno sa Presidential Anti-Organized Crime Commission (PAOCC), ro civil ag criminal forfeiture hay sueod sa idaeom it Republic Act 1379, sangka laye nga nagadeklara para sa forfeiture it anumang propyedad nga napamatud-ang ilegal nga nabuoe it sin-o mang public officer ukon empleyado ag igaturn-over sa gobyerno.
Suno kay PAOCC Undersecretary Gilbert Cruz, sambilog sa mga na-forfiet nga POGO hub sa syudad it Pasay hay ginagamit eon it Department of Social Welfare and Development (DSWD) para sa mga naeowas nga mga biktima.
Samtang, ro sambilog hay ginhimo nga kulungan it mga nadakpan sa gin-raid nga Philippine Offshore Gaming Operator bangud nga kueang it mga presuhan ro Bureau of Immigration.
Sa makaron suno kay Cruz, kapin sa 402 pa ro eagson nga ilegal nga Philippine Offshore Gaming Operators bangud nga halin sa 448 Philippine Offshore Gaming Opeartors sa bilog nga nasyon halin sa dating administrasyon hay mismong kapin sa 46 eamang ro nag-renew it andang lisensiya sa Philippine Amusement and Gaming Corporation ukon PAGCOR.
