NATIONAL News — Ginpaabot it Land Transportation Franchising and Regulatory Board (LTFRB) nga madali eon lang nga ipatuman ro libreng sakay ag fuel subsidy sa mga pampublikong transportasyon.
Suno kay LTFRB Chairman Martin Delgra III, may mga ginatapos eon lang nga detalye ro ahensya ag Department of Budget and Management kun sa siin naga-abot sa P1.7 billion sa service contracting program ag P2.5 billion man para sa fuel subsidy.
Dugang pa ni Delgra, raya ro nakikitang solusyong it LTFRB ag Department of Transportation (DOT) sa tunga it owa it pundo nga pagtaas it produktong petrolyo.
Nasayuran nga sa idaeum it fuel subsidy, bukon eamang ro pampasaherong jeep ro masakop kundi pati man ro bus, taxi, ag UV express, samtang naga-abot man sa P6,500 ro one-time fuel subsidy nga mabaton it kada-unit it pampublikong saeaksyan.
Target it ahensya nga umpisahan eon ro fuel subsidy ag service contracting program sa oras nga maipapanaog eon ro pondo para kara.
