KALIBO, Aklan—Ginahueat pa it Land Transportation Office ukon LTO Aklan ro specific guidelines sa pagpasugot sa pag-angkas sa motorsiklo maskin nga owa it barrier.
Suno kay Engr. Marlon Velez, head it LTO-Aklan nga eain ro patakaran sa mga lugar nga una sa general community quarantine ukon GCQ ag modified general community quarantine ukon MGCQ.
Maskin sigon nga bukon it miyembro it pamilya hay pwede eon nga maka-angkas sa motorsiklo basta nga magkaibahan sa sangka baeay.
Kinahangean nga ro magka-angkas hay may bitbit nga ID nga magapamatuod nga sa parehong baeay sanda naga istar ukon pareho ro address it andang baeay.
Nagapati man si Engr. Velez nga bastante eon nga proteksyon ro full-face helmet ag naka face masks.
Apang kon owa naga istar sa sangka baeay, kinahangean sa gihapon ro barrier sa motorsiklo.
