KALIBO, Aklan—Temporaryong igapapundo it Land Transportation Office ukon LTO ro pag-isyu it student driver’s license umpisa Hulyo 1 hasta Agosto 2.
Suno kay LTO aklan head engr. marlon velez nga tuyo it suspensyon nga maayos ro bag-ong proseso sa pagbo-oe it student driver’s permit nga ginaeauman nga ipatuman sa buean it Agosto.
Sa bag-ong proseso, obligado sigon nga magpaidaeum ro aplikante sa 15-oras nga theoretical lecture kun sa siin pagatalakayon ro mga laye sa trapiko ag polisiya sa pagmaneho para sa eowas nga pagbiyahe sa karsada.
Ro lecture hay pwedeng pagahiwaton sa taeatapan it LTO ukon sa accredited nanda nga private driving schools.
Sa makaron hay sambilog pa eamang sigon ro andang na-accredit , apang maabu pa ro naka pending nanda nga application.
Samtang, sa regional office hay nagtukod it driving academy nga pwedeng makapa-enroll ro mga aplikante.
Ginpahayag pa ni engr velez nga owa pa imaw it ideya kun pila ro sukot para sa lecture sessions it private driving school.
Apang sa driving academy it LTO-6 hay nagasukot ro ahensiya it 200 pesos per module ukon kabilugan nga 600 pesos ro sarang nga magastos.
Uman nga pagabuksan sigon ro proseso sa aplikasyon it student driver’s license kadungan it pagpatuman it bag-ong sistema sa Agosto 2.
Ginklaru man nana nga raya hay theoretical lecture pa eamang ag sa pagpa-convert kara sa non-prof ag professional driverse license hay gina-require nanda nga magpaidaeum ro aplikante sa waeong oras nga practical driving course.
