KALIBO, Aklan—Maabu nga mga pumueoyo it Japan ro apektado it pag-uean it madamoe nga yelo sa mabahoe nga parte it nasyon.
Suno kay Bombo International Correspondent Josel Palma nga nagresulta it kanselasyon it biyahe it mga train, air services ag expressways ro madamoe nga yelo.
Ginapahayag nga 18 train it Tokaido ag iba pang lines sa Western Japan ro na-stranded sa tunga it station ko adlaw it Miyerkules kung siin kapin sa 7,200 nga pasahero ro temporaryong na-locked sa train cars sa sueod it 10 oras.
Mag-euwas kara, may pila eon man nga mga napabalitang namatay bangud sa grabeng pag-uean it yelo.
Padayun man sigon ro pagpaandam it mga otoridad sa mga pumueoyo nga likawan ro pagguwa it panimaeay eabi eon kung owa man it importanteng transaksyon.
